Se Canta

Dejós ma fenèstra
I a un aucelon
Tota la nuèch canta
Canta sa cançon.

Repic :

Se canta que recante
Canta pas per ieu
Canta per ma mia
Qu'es al luènh de ieu.

Al fons de la prada
I a un pibol traucat
Lo cocut i canta
Benlèu i a nisat.

Aquelas montanhas
Que tan nautas son
M'empachan de veire
Mas amors ont son.

Aquelas montanhas
Se rebaissaran
E mas amoretas
Se raprocharan.

Baissatz vos montanhas
Planas, levatz vos
Per que posque veire
Mas amors ont son.

Darrièr repic :

Se canta que recante
Canta pas per ieu
Canta per ma mia
Qu'es al pè de ieu.

 

D'aprèp Gaston Phébus (1331-1391)
 

 

partition

ico

drapeu